Bakının Nəsimi və Binəqədi rayonlarında bir şox yeni binaların pəncərələrində əvvəllər dəmir barmaqlıqlar olsa da, sonradan sökdürülüb.
Yurd.Media xəbər verir ki, sakinlərin sözlərinə görə, tikinti şirkətləri bunu binanın görünüşünə zərər gəlməməsi və yanğın təhlükəsizliyi ilə əsaslandırır.
Lakin təhlükəsizlik ekspertləri hesab edir ki, bu yanaşma risklidir. Onların sözlərinə görə, standartlara uyğun qoruyucu konstruksiyalar insan həyatını xilas edə bilər.
Fövqəladə Hallar Nazirliyindən “Xəzər Xəbər”ə bildirilib ki, metal barmaqlıqların quraşdırılması yanğın təhlükəsizliyi baxımından yalnız müəyyən hallarda icazəlidir. Bununla belə, yaşayış binalarında təhlükəsizliyi artırmaq üçün layihə mərhələsində qoruyucu qurğuların nəzərdə tutulmasına icazə verilir.
