Bakının bəzi ərazilərində tikilən evlər söküləcək.
Yurd.Media xəbər verir ki, söhbət vaxtı ilə kollektorun üzərində tikilmiş evlərdən gedir.
Paytaxtın Xətai rayonu NZS qəsəbəsində bir evin çökməsi ilə nəticələnən hadisədən sonra Əlincə və Rəşid Bağırov küçələrində araşdırmalar aparılıb.
Sakinlər "Xəzər Xəbər"ə deyirlər ki, həmin küçələrdə su kollektorunun üzərində olan 30-dan çox evin sökülməsi ilə bağlı bildiriş alıblar.
Sakinlər bildirirlər ki, həmin evlər uzun illər əvvəl kollektorun üzərində tikilib. Hətta, bəziləri evi son illərdə aldıqlarını və bundan xəbərsiz olduqlarını deyirlər. Məsələ ilə bağlı Xətai rayon icra hakimiyyətindən bildirildi ki, hazırda aidiyyəti qurumlarla birlikdə araşdırma aparılır və yekun qərar araşdırmanın nəticəsindən sonra məlum olacaq.
Bakının bəzi ərazilərində tikilən evlər söküləcək - VİDEO
