Bakının Nizami rayonu, Bəhruz Nuriyev küçəsi, 46 ünvanında yerləşən binada antisanitar vəziyyət hökm sürür.
Yurd.Media məlumat verir ki, yaşayış binasının zirzəmisinə 1 metrdən artıq dərinliyi olan kanalizasiya suyu dolub.
Sakinlər "Xəzər TV"-yə bildiriblər ki, havalar isindiyindən onların işi çətinləşir. Pis qoxudan nə həyətdə, nə də evlərində dayana bilirlər.
Məsələ ilə bağlı İri Şəhərlərin Birləşmiş Su Təchizatı Xidmətindən bildirilib ki, qeyd olunan ünvandakı problem nəzarətə götürülüb və müvafiq işlər icra olunur. Qısa müddət ərzində həll olunacaq.
