“Bakı Karate-do Akademiyası” Məhdud Məsuliyyətli Cəmiyyətin (MMC) rəhbəri Namiq Nağıyev cərimə olunub.
Yurd.Media-nın əldə etdiyi məlumata görə, Namiq Nağıyev məhkəmə qətnaməsini icra etmədiyinə görə cəzalandırılıb.
Qeyd edək ki, məhkəmə MMC-nin 2022-ci il tarixli icarə müqaviləsinə əsasən, icarə haqqı borcuna görə 8800 manat, dövlət rüsumuna görə 108 manat olmaqla, cəmi 8908 manat pulun tutulması barədə qərar qəbul edib.
Lakin MMC-nin rəhbəri məhkəmə qətnaməsini icra etməkdən boyun qaçırıb. Buna görə də icra şöbəsində onun barəsində İnzibati Xətalar Məcəlləsinin 528.1-ci maddəsi ilə iş qaldırılıb, Binəqədi Rayon Məhkəməsinin qərarı ilə o 1200 manat cərimə edilib.
Namiq Nağıyev qərardan apellyasiya şikayəti versə də Bakı Apellyasiya Məhkəməsinin qərarı ilə apellyasiya şikayəti təmin edilməyib.
Xatırladaq ki, Bakı Karate-do Akademiyasının rəhbəri Namiq Nağıyevin yuxarıda qeyd olunan məhkəmə işinə görə ölkədən çıxışına məhdudiyyət qoyulub. Məhkəmənin hökmü ilə 1973-cü il tarixdə Bakı şəhərində anadan olmuş Nağiyev Namiq Arakel oğlunun ölkədən getmək hüququ icra sənədi üzrə yaranmış borc ödənilənədək məhdudlaşdırılıb.
