“Azəristiliktəchizat” tədqiqat və tədris mərkəzləri öz işlərinə fasilə veriblər
Yurd.Media "İqtisadiyyat.az"a istinadən xəbər verir ki, “Azəristiliktəchizat” Açıq Səhmdar Cəmiyyətinin tabeliyində hüquqi şəxs olan iki təşkilat fəaliyyətini müvəqqəti olaraq dayandırıb.
ASC-nin mətbuat katibi Elvin Basqallı bildirib ki, bunlar İstilik Sistemləri və Qurğuları Layihə Smeta Elmi Tədqiqat Mərkəzi və İxtisasartırma və kadrların yenidən hazırlanması Tədris Mərkəzidir.
E.Basqallının sözlərinə görə, aparılan islahatlar və struktur dəyişikliklərindən sonra həmin təşkilatların fəaliyyət göstərib-göstərməyəcəkləri ilə bağlı müvafiq qərar qəbul ediləcək.
