Ramazan ayının başa çatması ilə əlaqədar Azərbaycanda bu gün bayram namazı qılınıb.
Yurd.Media xəbər verir ki, saat 08.00-da Əjdərbəy məscidində, saat 09.00-da isə Təzəpir məscidində bayram namazının qılınmasına başlanıb.
Yüz minlərlə insan məscidlərə axışaraq namaz qılıb, dualar edib, Allahdan bağışlanmasını diləyiblər. Daha sonra dindarlar bir-birlərini bayram münasibətilə təbrik ediblər.
Xatırladaq ki, bu il Azərbaycanda Ramazan ayı fevralın 19-da başlayıb.
Qədr gecələri 8, 10, 12 və 16 mart tarixlərinə təsadüf edib.
