AYNA-nın təmizlik-dezinfeksiya işlərinə 1 milyon manatdan çox xərci çıxacaq.
Yurd.Media "İqtisadiyyat.az"a istinadən xəbər verir ki, Azərbaycan Yerüstü Nəqliyyat Agentliyi (AYNA) "Viva Cleaning" təmizlik şirkəti ilə yeni müqavilə bağlayıb.
Müqavilənin maliyyə dəyəri 1,1 milyon manat müəyyənləşib.
Müqavilədə paytaxtın müxtəlif ünvanlarında, həmçinin AYNA-nın balansında olan bina və qurğuların əsaslı təmizlənməsi, dezinfeksiya, dezinseksiya, deratizasiya və s. xidmətlərin satın alınması nəzərdə tutulur.
Qeyd edək ki, "Viva Cleaning" təmizlik şirkəti 2021-ci ildə qeydiyyata alınıb. Qanuni təmsilçisi Qurbanlı Tural Hidayət oğludur.
