"Qala Sığorta" ASC bu ilin I rübünün yekunları ilə bağlı maliyyə göstəricilərini açıqlayıb.
Yurd.Media xəbər verir ki, şirkət yanvar-mart aylarında 2,9 milyon manat xalis mənfəət əldə edib. Bu, əvvəlki illə müqayisədə 35,2% azdır.
Bu il aprelin əvvəlinə "Qala Sığorta"nın aktivləri ötən il aprelin əvvəlinə nisbətən 19,7% az - 82,3 milyon manat təşkil edib.
Şirkətin öhdəlikləri 58,2 milyon manat (2,7% az), balans kapitalı isə 24,1 milyon manat (32,6% az), o cümlədən nizamanmə kapitalı 10 milyon manat (dəyişməyib) olub.
