“Finans Kredit” BOKT-a 500 min manat pul lazımdır

“Finans Kredit” MMC bank olmayan kredit təşkilatı (BOKT) 500 min manatlıq istiqraz yerləşdirməyi planlaşdırır.

Bu barədə Yurd.Media-ya kredit təşkilatındakı mənbə bildirib.

Məlumata görə, söhbət hər birinin nominal dəyəri 1 000 manat olan 500 ədəd istiqrazdan gedir.

Qiymətli kağızlar qapalı üsulla yerləşdiriləcək.

Emissiya üzrə anderrayter, istiqrazların illik faiz dərəcəsi və faizlərin ödənilmə tezliyi isə açıqlanmır.