Bu il avqustun 1-nə Azərbaycan bankları 61 milyard manatlıq aktivlərə, o cümlədən 30,15 milyard manatlıq kredit portfelinə malik olub.
Yurd.Media xəbər verir ki, bu barədə Azərbaycan Mərkəzi Bankının açıqladığı bank icmalında bildirilir.
Sənədə əsasən, bunlar, ötən il avqustun 1-i ilə müqayisədə müvafiq olaraq 9,5% və 12,5% çoxdur.
Hesabat tarixinə bank sektorunun öhdəlikləri 53,3 milyard manat (9,5% çox), o cümlədən depozit portfeli 40,4 milyard manat (10,2% çox), balans kapitalı isə 7,6 milyard manat (9,1% çox) olub.
