"Atəşgah Həyat Sığorta" ASC bu ilin I rübünün yekunları ilə bağlı maliyyə göstəricilərini açıqlayıb.
Yurd.Media xəbər verir ki, şirkət yanvar-mart aylarında 4,6 milyon manat mənfəət əldə edib.
Bu, ötən ilin eyni dövrü ilə müqayisədə 31% çoxdur.
Bu il aprelin əvvəlinə "Atəşgah Həyat Sığorta"nın aktivləri ötən il aprelin əvvəlinə nisbətən 10,15% çox – 152,5 milyon manat təşkil edib. Şirkətin öhdəlikləri 132,4 milyon manat (11,3% çox), balans kapitalı isə 20,2 milyon manat (3,3% çox), o cümlədən nizamnamə kapitalı 6,5 milyon manat (dəyişməyib) olub.
