Fevralın 12-də “Finca Azerbaijan” MMC bank olmayan kredit təşkilatı (BOKT) “Bakı Fond Birjası” QSC-də 1 milyon ABŞ dolları dəyərində istiqraz yerləşdirəcək.
Bu barədə Yurd.Media-ya Birjadan bildirilib.
Məlumata görə, istiqazlara illik 9% gəlirlilik vəd olunur.
Bu, son illər Amerika valyutasında buraxılan istiqrazlar üzrə ən yüksək illik faiz dərəcəsidir.
Bundan əvvəl “Bank Respublika” ASC illik 8,5%-lə, “Unibank” ASC isə illik 8%-lə dollar istiqrazı yerləşdirib.
“Finca Azerbaijan" 1999-cu ildən fəaliyyət göstərir. Onun təsisçisi ABŞ-a məxsus “Finca International”dır.
