Bu ilin yanvar-avqust aylarında Azərbaycan 637 elektromobil idxal edib.
Bu barədə Yurd.Media-ya Dövlət Gömrük Komitəsindən bildirilib.
Məlumata görə, bu, ötən ilin eyni dövrü ilə müqayisədə 54,9% azdır.
Son 1 ildə elektromobil idxalına çəkilən xərc isə 62,6% azalaraq 16,55 milyon ABŞ dollarına düşüb.
Bundan başqa, 8 ay ərzində ölkəyə 14 703 hibrid avtomobil gətirilib. Bu isə 1 il əvvələ nisbətən 60,5% azdır.
İl ərzində bu növ avtomobillərin idxalına çəkilən xərc isə 56,3% azalaraq 320,2 milyon dollar təşkil edib.
