Ağdamda yeni binalar tikiləcək

Ağdam şəhərində 4 məhəllənin binaları tikiləcək.

Yurd.Media-nın əldə etdiyi məlumata görə, Ağdam, Füzuli və Xocavənd rayonlarında bərpa, tikinti və idarəetmə xidməti bununla bağlı hazırlıqlara başlayıb.

Sözügedən tikililər şəhərin 5-ci yaşayış massivində yerləşən məhəllələrdə tikiləcək.

Ağdam, Füzuli və Xocavənd rayonlarında bərpa, tikinti və idarəetmə xidməti qeyd olunan işlərin icrasına ümumilikdə 48 milyon 500 min manata yaxın vəsaitin sərf olunacağını proqnozlaşdırıb.