Sumqayıtda karton istehsalı müəssisəsində yanğın olub - YENİLƏNİB + FOTO/VİDEO

Sumqayıtda karton istehsalı müəssisəsində yanğın olub.

Yurd.Media xəbər verir ki, əraziyə Fövqəladə Hallar Nazirliyi (FHN) Dövlət Yanğından Mühafizə Xidmətinin canlı qüvvəsi və xüsusi texnikası cəlb olunub.

Yanğın yanğın yayılmasına imkan verilmədən qısa müddətdə söndürülüb.

Yanğın nəticəsində zavodun ərazisində 1800 kv.m sahədə yığılmış karton tullantıları 450 kv.m sahədə yanıb.

Hadisənin başvermə səbəbləri araşdırılır.

*** 17:33

Sumqayıt şəhərində yanğın hadisəsi baş verib. 

Yurd.Media "Report"a istinadən xəbər verir ki, Sumqayıtda karton istehsalı müəssisəsində yanğın başlayıb.  

Əraziyə Fövqəladə Hallar Nazirliyi (FHN) Dövlət Yanğından Mühafizə Xidmətinin canlı qüvvəsi və xüsusi texnikası cəlb olunub. 

Hazırda yanğının söndürülməsi istiqamətində tədbirlər görülür. 

Hadisənin başvermə səbəbləri araşdırılır.