Şəkidə ildırım düşməsi dağlıq ərazidə yanğına səbəb olub

Şəkidə ildırım düşməsi nəticəsində dağlıq ərazidə yanğın baş verib.

Yurd.Media xəbər verir ki, hadisə rayonun Qozlubulaq kəndi ərazisində qeydə alınıb.

Yanğının söndürülməsi üçün Şəki Rayon Dövlət Yanğından Mühafizə Hissəsinin texnikaları və canlı qüvvələri əraziyə cəlb olunub. Fövqəladə Hallar Nazirliyinin (FHN) əməkdaşlarının həyata keçirdiyi tədbirlər nəticəsində yanğın söndürülüb.

Hadisə nəticəsində 15 hektar sahədə kol-kos və quru ot yanıb.