Göygöl rayonunda mal bazarında bıçaqlanma olub, saxlanılan var
Yurd.Media xəbər verir ki, rayonun Yeni Qızılca kənd ərazisində yerləşən bazarda Daşkəsən rayon sakini, 1995-ci il təvəllüdlü E. Abdullayev münaqişə zəminində sinə nahiyəsindən bıçaqlanıb. Müxtəlif dərəcəli bədən xəsarətləri alan şəxs xəstəxanaya yerləşdirilib.
Aparılan əməliyyat tədbirləri nəticəsində hadisəni törətməkdə şübhəli bilinən Daşkəsən rayon sakini, 1987-ci il təvəllüdlü R.Tağıyev saxlanılıb.
Faktla bağlı araşdırma aparılır.
