Azərbaycanda “Kontakt Home” əmtəə nişanı altında məişət texnikası, mobil telefonlar və elektronika məhsullarının satışını həyata keçirən “ABC-Telecom” iki müştərisinə qarşı məhkəmə iddiası qaldırıb.
Yurd.Media-nın əldə etdiyi məlumata görə, “ABC-Telecom” Nizamai Rayon Məhkəməsinə müraciət edərəkmüştərisinə satdığı “İpone 15 pro max” üçün 2716 manat ödənilməmiş hissə, İnnovativ Layihələr Mərkəzinə ödənilən rüsum 23 manat, 271 manat cərimə olmaqla, ümumilikdə, 3011 manat borc cavabdehdən alınaraq MMC-yə ödənilməsi barədə qətnamə çıxarılmasını xahiş edib.
Bundan başqa, digər bir müştərisinə satdığı “İphone15” markalı telefon üçün isə 1388 manat ödənilməmiş hissə, İnnovativ Layihələr Mərkəzinə ödənilən rüsum 23 manat, 138 manat cərimə olmaqla, ümumilikdə 1550 manat borc cavabdehdən alınması barədə qətnamə çıxarılmasını istənilib.
Məhkəmə hər iki iddianın təmin edilməsi barədə qətnamə çıxarıb.
