Gəncədə torpaq üstündə bıçaqlanma ilə nəticələnən mübahisə düşüb.
Yurd.Media xəbər verir ki, hadisə şəhərin Totanlı kəndində qeydə alınıb.
Belə ki, 1970-ci il təvəllüdlü E.Əlilli torpaq üstündə yaşanan mübahisə zəminində bıçaq xəsarətləri alıb.
Zərərçəkən xəstəxanaya yerləşdirilib, vəziyyəti kafi qiymətləndirilir.
Hadisəni törətməkdə şübhəli bilinən isə hadisə yerindən qaçıb. Hazırda polis əməkdaşları tərəfindən onun saxlanılması istiqamətində əməliyyat-axtarış tədbirləri davam etdirilir.
Faktla bağlı araşdırma aparılır.
