Gəncədə qadın piyadanı avtomobil vurub

Gəncədə qadın piyadanı avtomobil vurub.

Yurd.Media xəbər verir ki, hadisə şəhərin Şah İsmayıl Xətai prospektində, avtomobil ehtiyat hissələri satılan mağazanın yaxınlığında qeydə alınıb. 

Yolu qarşı tərəfə keçmək istəyən 1955-ci il təvəllüdlü D.Muradovanı avtomobil vurub. Müxtəlif dərəcəli bədən xəsarətləri alan zərərçəkən təcili tibbi yardım maşını ilə xəstəxanaya çatdırılıb.

Onun vəziyyəti ağır qiymətləndirilir. 

Faktla bağlı araşdırma aparılır.