Gəncədə ötən günün axşam saatlarından əsən güclü külək nəticəsində şəhər ərazisində 3 ağacın aşması və 10-a yaxın iri budağın qırılması müşahidə olunub.
Yurd.Media xəbər verir ki, MKTİB-nin Yaşıllaşdırma şöbəsinin əməkdaşları tərəfindən küləyin törətdiyi fəsadlar aradan qaldırılıb.
Səhər saatlarından başlayan işlərə MKTİB-nin texnikası cəlb edilərək qırılan ağac budaqları hadisə yerindən yığışdırılıb. Aşma ehtimalı olan ağaclar zərərsizləşdirilib, təhlükə yaradan budaqlar kəsilib.
Qeyd edək ki, MKTİB-nin canlı qüvvə və texnikası vasitəsilə şəhər ərazisində mütəmadi olaraq təhlükə yaradan ağacların budanma işləri görülür.
