Sabunçu Tibb Mərkəzinə qızı tərəfindən bıçaqlanmış 49 yaşlı kişi yerləşdirilb.
Yurd.Media "Teleqraf"a istinadən xəbər verir ki, bıçaqlanma hadisəsi Bakının Nizami rayonunda ailə məişət zəminində baş verib.
Hadisə rayonun İsmayıl Məmmədov küçəsində yerləşən mənzildə qeydə alınıb.
1977-ci il təvəllüdlü Rüfət Arif oğlu Haşımov mübahisə zamanı həyat yoldaşını döyüb. Bunu görən onların 15 yaşlı qızı bıçaqla R.Haşımova xəsarət yetirib.
Yaralı döş qəfəsinin kəsilmiş deşilmiş xəsarəti ilə Sabunçu Tibb Mərkəzinə yerləşdirilib. R.Haşımov cərrahi əməliyyat edilib.
Fakt üzrə Nizami Rayon Polis İdarəsinin 24-cü Polis Bölməsinin əməkdaşları araşdırma aparırlar.
