Britaniyanın "WhatCar" nəşri arasdirma apararaq ən etibarsız avtomobillərin siyahısını dərc edib.
Yurd.Media İqtisadiyyat.az-a istinadən xəbər verir ki, indiki nəsil "Nissan Juke" krossoveri Böyük Britaniyada ən problemli avtomobil seçilib. Onun etibarlılığı cəmi 55,2% qiymətləndirilib - bu il sorğuya cavab verənlərin hamısı onu bütün avtomobillər arasında ən aşağı göstəriciyə malik maşın sayıb. Problemlərin əksəriyyəti 12 voltluq akkumulyator, mühərrik və əyləc sistemi ilə bağlı olub.
Ən son nəsil "Volkswagen Tiguan" 64,2% etibarlılıq reytinqi ilə ikinci yeri tutub. Avtomobilin informasiya-əyləncə sistemi, əyləcləri və elektronikası tez-tez sıradan çıxır.
Əvvəlki nəsil "Kia Sportage" 72,9% etibarlılıq reytinqi ilə üçüncü olub. Tez-tez müşahidə olunan problemlərə mühərrik və sürət qutusunun nasazlığı, həmçinin əyləc sisteminin nasazlığı daxildir.
Siyahıya Mazda CX-60, Mercedes-Benz C-Class, Volvo S90, Audi Q7, Volkswagen ID 4, Hyundai Ioniq Electric və Renault Austral da daxil olub.
