“Azərpoçt” MMC tərəfindən təqdim olunan "Post Cargo" xidməti ilə bağlı bir sıra problemlər üzə çıxıb.
Yurd.Media-ya müraciət edən müştəri İspaniyadan sifarişinin 22 günə gəldiyini və 59 manat ödədiyini bildirib.
Müştəri sifarişin Bakıya çatdırılması, bəyan edilməsi və ödəniş prosesində üzləşdiyi problemləri sadalayıb:
- Gecikmə: 24 oktyabrda anbara çatan məhsulun Bakıya 13 noyabrda çatdırıldığı bildirilir.
- Eyni invoysla olan məhsulların ayrılması: Şirkət məhsulu eyni sənədlə iki bağlamaya bölüb, bu isə gömrük bəyanında problem yaradıb və müştəriyə əlavə vaxt itkisinə səbəb olub.
- Qüsurlu sistem: Saytda və mobil tətbiqdə bəyan və ödəniş funksiyalarının düzgün işləmədiyi deyilir.
- Xidmət çatışmazlığı: Ödənişli iade və ya birləşdirmə xidmətinin İspaniya anbarı üçün mövcud olmadığı, bu barədə heç bir yerdə məlumat verilmədiyi bildirilib.
- Ödəniş problemləri: Yerində ödəniş mümkün olmayıb, yalnız onlayn ödəniş tələb olunub. Sayt və tətbiq vasitəsilə ödəniş dəfələrlə cəhdlərdən sonra yalnız saytda mümkün olub.
