Ağ Partiya sədri: “Vətəndaşlarımız hüquq və vəzifələrindən ən yaxşı yol hərəkəti qaydalarını bilirlər”

Bizim vətəndaşlarımız ən çox hüquq və vəzifələrindən yol hərəkəti qaydalarını bilirlər. Çünki polislə mübahisə zamanı cərimə yazılmaması üçün bu biliklər onlara fayda verir.

Bunu Ağ Partiyanın sədri Tural Abbaslı “Yurddaş” verilişinə müsahibəsində bildirib.

O qeyd edib ki, vətəndaşlar düşünürlər ki, seçkiyə səs verməklə, ictimai aktivlik göstərməklə, mitinqlərə getməklə nəticə əldə edilmir:

 “Bu vəziyyətdə biz kimlərlə işləməliyik? Siyasətin əsas mənbəyi xalqdır. Xalq prosesdən uzaqlaşdırıldıqda isə biz tək qalırıq,” – deyə Abbaslı vurğulayıb.

O əlavə edib ki, Azərbaycanda müxalif siyasi fəallar əsasən fədakarlıq hesabına fəaliyyət göstərirlər, yəni onlar maaş, üstünlük və ya imtiyaz olmadan ortalıqdadırlar.