Azərbaycan Premyer Liqasının 31-ci turunun açılış oyununda "Araz-Naxçıvan" və "Turan Tovuz" heç-heçə oynayıblar.
Yurd.Media xəbər verir ki, oyunda hesabı 33-cü dəqiqədə qonaqlar Faiq Hacıyevin dəqiq zərbəsi ilə açıb. Meydan sahiblərinin cavab qolu 53-cü dəqiqədə gəlib. İssuf Paro rəqibi oyuna mərkəzdən başlamağa məcbur edib.
Naxçıvan təmsilçisi matçı azlıqda başa vurub. 77-ci dəqiqədə Vanderson Melo ikinci sarı vərəqənin ardından qırmızı vərəqə ilə cəzalanaraq meydandan qovulub.
“Araz-Naxçıvan” turnir cədvəlində 53 xalla üçüncü pillədə yer alıb. Dördüncü olan “Turan-Tovuz”un 48 xalı var.
