Bu ilin yanvar-oktyabr aylarında Azərbaycan 32,7 milyon ABŞ dolları dəyərində humanitar yük, təmənnasız kömək, texniki yardım və hədiyyə idxal edib.
Dövlət Gömrük Komitəsindən Yurd.Media-ya verilən məlumata görə, bu, ötən ilin eyni dövrü ilə müqayisədə 2,75 dəfə azdır.
Son 1 ildə bu növ idxalın ümumi idxalda xüsusi çəkisi isə 0,5%-dən 0,2%-ə düşüb.
Bundan başqa, 10 ay ərzində Azərbaycan 3,4 milyon dollar dəyərində humanitar yük, təmənnasız kömək, texniki yardım və hədiyyə ixrac edib. Bu isə 1 il əvvələ nisbətən 12,8% azdır. Son 1 ildə bu növ ixracın ümumi ixracda xüsusi çəkisi isə dəyişməyərək 0,02% qalıb.
